Andi Garcia
Nakuha ng Lady Knights ng Colegio de San Juan de Letran ang kanilang unang panalo laban sa San Beda University Lady Red Spikers sa nagaganap na opening weekend (February 19, 2023) ng 98th season ng National Collegiate Athletic Association (NCAA) women’s volleyball tournament sa San Andres Sports Complex sa Maynila. Nagsimula ang Lady Knights ng maayos at nakakuha ng straight set win sa bisa ng 25-20, 25-23, 28-26.
Pinamunuan ni Daisy Melendres ang Lady Knights sa kanyang all-around performance kung saan siya ang nanguna sa scoring sa loob ng court na may 15 puntos na mula sa walong atake, limang blocks, isang ace, at limang excellent digs. Nagtala rin ng malaking ambag sa puntos sina Judiel Nitura na may walong puntos, Lea Rizel Tapang at Julienne Castro na may tig-pitong puntos at apat na digs.
Sa kabila ng matinding 12-1 na kalamangan ng Lady Knights sa pagbubukas ng third set, nagawang makabalik ng Lady Red Spikers at itabla ang laro sa 19. Nagawa pang makahabol ng San Beda at mailipat sa karagdagang set dahil sa kanilang magandang laro. Subalit nagtapos ng maayos si Nitura para sa Lady Knights kasunod ng dalawang sunod na puntos para sa panalo.
Nag-ambag ng tig-10 puntos si Kleiner Abraham at Chynna Castillo para sa San Beda, samantalang kinapos sa double-digit scoring sina Marianne Tayaga at Katleya Molina na may siyam puntos at si kapitana Trisha Paras na may walong puntos.
Sa susunod na Biyernes ay makakalaban ng Lady Knights ang Mapua University Lady Cardinals, samantalang haharap naman ang San Beda kontra sa three-time champions na Arellano University Lady Chiefs sa Miyerkules.
